जनवाटो
–रमेश रावत ‘विक्रान्त’
इतिहास लेख्ने निर्माता
म कसरी व्याख्या गरुँ
आज म तिम्रो बारेमा
‘आमा’ भन्दामाथि
ठूलो कुनै जाती देखिन
मेरो दृष्टिकोणमा
लेखिएको छैन
त्यो शब्दकोषमा
त्यसैले आमा तिमी
जीवन र जगतकी
सृष्टिकर्ता हौ।
छाडिदिनुस् ती
वीर पुरुषका कुरा
इतिहास पल्टाउँदा
तिम्रो काखबाट
पल्टाउने गरिन्छ
‘आमा’ तिमी महावीर हौ
महावीर आमाप्रति
रातो सलाम छ ।
पीडा पिएर जिउने
तिम्रो जिन्दगानीप्रति
रातो सलाम छ ‘आमा’
जन्माउदा श्वास दियौं
मृत्यु हुँदा नाम दियौं
श्वास र नामबीचको
यात्रा गर्ने जीवन दियौ
त्यहीँ जीवनका लागि
सबथोक दियौं
‘आमा’ तिम्रो
त्याग र उपकारप्रति
रातो सलाम छ ।
‘आमा’ तिमी
जिन्दगीको
संरक्षणकर्ता हौ ।
जब मानवीय
इतिहास रहन्छ
तबसम्म तिम्रो माया,
ममता र स्नेहको
प्राप्ति हुनेछ
त्यसैले आमा तिम्रो
गौरवप्रति रातो सलाम छ ।
आमाप्रति रातो सलाम छ ।
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्