जनवाटो
नेपालगन्ज । कोरोना संक्रमणबाट बाँकेमा थप ४ जनाको मृत्यु भएको छ । भेरी अस्पताल नेपालगन्जमा उपचाररत एक महिला र एक पुरुष त्यस्तै गरी नेपालगन्ज मेडिकल कलेजमा उपचाररत एक महिला र एक पुरूषको उपचारकै क्रममा मृत्यु भएको हो ।
भेरी अस्पतालमा उपचाररत नेपालगन्ज उपमहानगरपालिका ११ का ६० वर्षिय पुरुषको शनिबार साझ १०:३० बजे मृत्यु भएको छ भने सोही समयमा खजुरा गाउपालिका ३ की ४७ वर्षिया महिलाको पनि मृत्यु भएको बाँकेका कोरोना फोकलपर्शन तेज ओलीले बताएका छन् ।
ओलीका अनुसार नेपालगन्ज मेडिकल कलेज कोहलपुरमा उपचाररत कोहलपुर १० की ३६ वर्षिया महिलाको मृत्यु भएको छ । उनको मध्यराती २:३० बजे बजे मृत्यु भएको थियो । कोहलपुर ९ का अर्का एक जना संक्रमितले भने पीडा सहन नसकेर आत्महत्या गरेका छन् । होम आइसोलेसनमा रहेका उनले साँझ ६:३० बजे आत्महत्या गरेको प्रहरीले जनाएको छ ।
योसँगै बाँकेमा कोरोना संक्रमणबाट मृत्यु हुनेको संख्या ८३ पुगेको छ । मृतकहरुको शव नेपाली सेनाको समन्वयमा परिवारबाट दाहसंस्कारको ब्यवस्था हुँदै गरेको फोकलपर्शन ओलीले बताए ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्