जनवाटो
–ओम सुस्लिङ
देश छ
तर स्वाधीनता बिनाको
नेताहरू छन्
तर कुशल नेतृत्व बिनाको
कानुन छ
तर न्याय बिनाको
शिक्षा छ
तर उपयुक्त सीप बिनाको
स्वास्थ्य चौकी छन्
तर औषधी बिनाको
छ त यहाँ
मात्र श्रमिक, मजदुरको कथा !
राज्य छ
तर नागरिक बिनाको
युवाहरू छन्
तर दूर भिजन बिनाको
मानव छन्
तर मानवता बिनाको
यात्रा छ
तर सुन्दर गन्तव्य बिनाको
विचार छन्
तर विमर्श गर्ने चौतारी बिनाको
छ त यहाँ
मात्र सपनाको कोलाहल
अनि
देश कसरी समृद्ध बन्छ ?
०००
(स्रोत : लालदिशा)
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्